بۇكىلالەمدىك اۆتوموبيلدەن باس تارتۋ كۇنىن اتاپ ءوتۋ ماقساتىندا 22 قىركۇيەك كۇنى الماتىداعى مەترودا جول ءجۇرۋ اقىسى 50 پايىزعا ارزانداتىلادى. بۇل جايىندا الماتى قالالىق اكىمدىگىنىڭ باسپا ءسوز قىزمەتى حابارلاعان.

سونىمەن قاتار، قالانىڭ مۋنيسيپالدى اۆتوبۋستارىندا “ەلەكتروندى بيلەت” جوباسىنىڭ ىسكە قوسىلۋىنا بايلانىستى دا بۇل كۇنى تاريف 50 پايىزعا تومەندەتىلمەك. ايتۋلى كۇننىڭ شارتى بويىنشا، كولىك يەلەرىنىڭ بارلىعى ەرىكتى تۇردە اۆتوموبيل ايداۋدان باس تارتىپ، ۆەلوسيپەدكە نەمەسە قوعامدىق كولىكتەرگە وتىرۋى كەرەك. باستى ماقسات – قورشاعان ورتانىڭ لاستانۋىن ءبىر كۇنگە بولسا دا توقتاتۋ. ەڭ العاش “كولىكتەن باس تارتۋ كۇنى” 1997 جىلى انگليادا وتكىزىلگەن. اراعا ءبىر جىل سالىپ وعان فرانسيا قوسىلدى. ال، 2001 جىلدان باستاپ بۇل كۇندى الەمنىڭ 35 ەلىندە اتاپ وتەدى.

 قامشى-اقپارات